Com certeza! Tava-se bem, muito bem, mirando os desenhos animados do Xabarín.
Todos os da geraçom do porco bravo mais televisivo temos-lhe muito apego, e devemos-lhe muito. Graças a ele foram muitos os galegos que perderam vergonha de falar falego, que cantavam em galego, que aprenderam léxico galego... e nem só galegos; eu tenho um amigo da Arpetania que aprendeu galego mirando Son Goku na TVG!
Pra mim é espectacular agora, olhando cara atrás, pensar no que esse programa logrou: que as crianças galegas voltassem a brincar em galego!! Os das geraçons anteriores foram os primeiros a brincarem em castelhano, os que vinheram despois, falavam já como os seus ídolos: os Pokémon, os Digimon e todos esses som espanhóis. Mas Son Goku e Arale eram galegos, e nos pátios das escolas os cativos jogávamos a fazer 'ondas vitais' e o que fazia de Boo tinha que dizer 'vou-te papar!!', se dissera 'te voy a comer' nom lhe teria metido medo nem ao Krilin.
Bom, ao que íamos, que me enguedelho. O Xabarín nom só foi cerne dumha geraçom de neofalantes... também plantou a semente pra umha geraçom de reintegrantes, pois nem a mim nem a nengúm dos meus amigos se nos passou nunca pola cabeça que os Kussondulola pudessem ser
- A mim gusta-me essa dos negros que dizem: 'tá-se bem, tá-se mui bem'.
E todos assentiam, e nada havia de estranho.
- Ó Suso, e como deste em virar um reintegrata desses aportuguesados??
- Essa nom é a pergunta correta... a pergunta correta é: por que deixaste tu de ver normal aquilo que era normal?
Porque tu cantavas isto... e se cho ponho agora sei que o cantarás novamente: